+7 (777) 001 44 99
Қазақша
Русский
English
Мысыр мен Грекияның әскери авиациясы Жерорта теңізімен ұшып бара жатып, радар бетінен жоғалып кеткен EgyptAir әуе компаниясының ұшағын іздеуге қосылды, - деп хабарлайды РИА Новости мысыр ақпарат құралдарына сілтеме жасап. Нақты мәліметтерге сүйенсек, ұшақтың моделі - Airbus A320.
Әуе компаниясының мәліметінше, ұшақпен байланыс Каир уақыты бойынша сағат 02.45-те жоғалған. Әуе кемесі ол кезде Мысырдан 80 миль жерде болған. EgyptАir ауе компаниясы жедел штаб құрды. Онда барлық әуе компаниясының өкілдері жоғалған жолаушылар ұшағын қадағалауға кірісті. Ұшақта 58 жолаушы мен экипаждың бірнеше мүшесі болған.
Мысырдың азаматтық авиация министрі Шериф Фатхи шұғыл түрде Араб Әмірлігіне Джидда қаласына сапарға барып, отанына жолаушылар ұшағымен болған жағдайға байланысты қайтып келді.
