+7 (777) 001 44 99
Қазақша
Русский
English
16 жастағы спортшы қыз Анастасия Смирновамен бірге қашқан 17 жастағы Назар есімді жігіт қайтыс болды. Бұл туралы Facebook желісінде ерікті Ислам Угушев мәлімдеді, - деп хабарлайды Tengrinews.kz тілшісі.
Бұл мәліметті Республикалық жедел құтқару жасағының өкілдері растады.
24 шілдеде 21.36-да РЖҚЖ тобы оқиға орнына келіп жетті. "Құтқару қызметінің құтқарушылары 16 жастағы қызды дәрігерлерге тапсырғаннан кейін РЖҚЖ тобы мен Құтқару қызметімен бірге 1999 жылғы азаматты іздеуге кірісті. Түнгі уақытта іздестіру жұмыстары тоқтатылды. Таңғы 05:30-да құрамында бес адамы бар құтқарушылар тобы іздеу жұмыстарына кірісті. Таңғы 08:24-те жігіттің мүрдесі табылды", - деді РЖҚЖ өкілдері.
Facebook желісінде ерікті Ислам Угушев өз парақшасында 17 жастағы жігіттің таудан өздігінен түспекші болып қайтыс болғанын мәлімдеді.
Еске сала кетейік, Анастасия Смирнова жексенбіде, 23 шілдеде Қырғызстанда семсерлесуден жарыстан келіп, досымен кездесуге шығып, үйіне оралмаған болатын. Туыстарының айтуынша, соңғы қоңырау "Сайран" автовокзалының аумағынан шалынған.
Осыған дейін Алматыда жоғалып кеткен 16 жастағы семсерлесуден спорт шеберіне үміткер қыздың табылғаны жайлы хабарланған еді. Бұл туралы ерікті Facebook желісінде жазған болатын. Жазбаға қарағанда Анастасия 24 шілдеде 17 жастағы Назар есімді жігітпен кетіп қалған. Жедел түрде іздестіру шаралары жүргізілді. Сондай-ақ, Назардың қиын жасөспірімдердің есебінде тұрғаны анықталды.
