+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Щучинск қаласының тұрғыны Бурабай аудандық ІІБ аумағынан қызметтік көлікті айдап әкеткен, - деп хабарлайды Tengrinews.kz тілшісі Ақмола облысының ІІД-нің баспасөз қызметіне сілтеме жасап.
Щучинск қаласының тұрғыны Бурабай аудандық ІІБ аумағынан қызметтік көлікті айдап әкеткен, - деп хабарлайды Tengrinews.kz тілшісі Ақмола облысының ІІД-нің баспасөз қызметіне сілтеме жасап.
Оқиға 5 сәуірде болған. Жол патрульдік полициясы батальонының көлігі Щучинск АІІБ маңында тұрған.
Полицейлердің айтуынша, 22 жастағы жігіт KIA маркалы көлікті айдап шығып, Астана - Петропавл тасжолына шығып кеткен. Алайда жол үшін ақы төлейтін терминал маңында бетон қоршауға соғылған.
Жігіт дереу ұсталды, оқиға кезінде ол зардап шекпеген. Қазіргі кезде ол екі айға қамауға алынды. Бұл дерекке қатысты ҚР ҚК-нің 200-бабының 1-тарауы бойынша сотқа дейінгі тергеу басталды.
"Ер адам медициналық сараптамадан бас тартты, дегенмен, қылмыстық іске байланысты химия-токсикологиялық сараптама тағайындалды. Оның қорытындысы 12 сәуірде дайын болады", - дейді баспасөз қызметінің өкілі Әсем Әбдірахманова.
Сонымен қатар, бұл оқиғаға байланысты ІІД-нің жеке қауіпсіздік қызметі тергеу жүргізіп жатыр.
