+7 (777) 001 44 99
Қазақша
Русский
English
Ақмола облысында ұйықтайтын орын ретінде қайта жабдықталған екі жолаушылар автобусы тоқтатылды. Ішінде кішкентай балаларды қоса алғанда 70-тен астам адам болған, - деп хабарлайды Tengrinews.kz тілшісі Polisia.kz-ке сілтеме жасап.
Бірінші Van Hool автобусы Екатеринбург – Алматы тасжолының 1291-шақырымында тоқтатылған. Салонда орындықтардың орнына қолдан жасалған кереуеттер қойылған. Жолаушылардың, оның ішінде балалардың, қозғалыс кезінде салон ішінде еркін жүргені анықталды.
Екінші жағдай да осы бағытта – Алматы – Астана – Қарағанды тасжолында тіркелген. Kässbohrer Setra автобусы да заңсыз түрде "жататын орынға" қайта жабдықталған болып шықты.
Полицияда мұндай қайта жабдықтау аса қауіпті екені айтылды. Жол апаты болған жағдайда жолаушылар қорғалмайды. Екі жүргізушіге де хаттамалар толтырылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
