01 тамыз 2014 | 17:10

АҚШ-та қазақстандық студентті көлік қағып кетті

Елнұр Самархан. Фотосы vk.com желісінен алынды

АҚШ-та қазақстандық студент жол-көлік оқиғасынан қайтыс болды, - деп хабарлайды америкалық Cape Cod Times басылымы. Оқиға 30 шілде күні Бостоннан 120 шақырымдағы Кейп-Код түбегінде болған.

АҚШ-та қазақстандық студент жол-көлік оқиғасынан қайтыс болды, - деп хабарлайды америкалық Cape Cod Times басылымы. Оқиға 30 шілде күні Бостоннан 120 шақырымдағы Кейп-Код түбегінде болған.

Жалғасы

■

АҚШ-та қайтыс болған студенттің денесін әкелуге көмек беріледі

01 тамыз 2014, 19:50

■

АҚШ-та Қазақстан студенті қаза тапты

05 ақпан 2015, 14:23

21 жастағы Елнұр Самархан кешкісін тас жолда велосипедпен келе жатқан. Сол кезде жолға шыға келген автокөлік студентті байқамай қағып өтеді. Жігіт көліктің маңдай әйнегіне соғылған. Ауруханаға дереу жеткізілгенімен, көп ұзамай қайтыс болды. Басылымның хабарлауынша, көліктің рулінде әйел адам отырған. Оған әзірше ешқандай айып тағылған жоқ, ол да психологиялық шок жағдайында ауруханаға жеткізілді.

Қазақстандық студент АҚШ-та өзінің құрбысымен бірге болған. Олар Кейп-Кодқа төрт ай бұрын студенттермен мәдени алмасу бағдарламасы бойынша келіпті. Самархан жергілікті фастфудтардың бірінде жұмыс істеп жатқан. Қыз кешкісін жұмыстан үйіне оралмаған жігіттің алдынан велосипедпен шыққан кезде жол-көлік оқиғасын көреді. Полиция оған зардап шегушінің ауруханаға жеткізілгенін хабарлайды. Бір сағаттан соң жігіттің қайтыс болғаны туралы хабар келеді. Қазақстандық студенттің достары марқұмның ата-анасының АҚШ-қа келуін күтіп отыр. Самархандар отбасының ұшып келу шығынын өтеу үшін жергілікті банктердің бірінен арнайы қайырымдылық қор ашылған.

АҚШ Қайғылы оқиға Жол-көлік оқиғасы