+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ақсуда өзін-өзі өртеген ер адамның әйелі қайтыс болды, - деп хабарлайды Тengrinews.kz тілшісі.
Ақсуда өзін-өзі өртеген ер адамның әйелі қайтыс болды, - деп хабарлайды Тengrinews.kz тілшісі.
Облыстық денсаулық сақтау басқармасының баспасөз қызметінің мәліметінше, Ақсу қалалық ауруханасында 1974 жылғы әйел көз жұмды. "Әйел 4 сәуірде 13:06-да қайтыс болды. Науқас қатты күйіктен ес жимастан көз жұмды", - деді Ақсу қалалық ауруханасының өкілдері.
Зардап шеккен әйелдің денесін 60-70 пайыз күйік шалған.
Еске салайық, Павлодар облысындағы Ақсу қаласында ер адам өзін өртеп жіберді, салдарынан өзі қаза тапты және 13 адам зардап шекті. Зардап шеккендердің төртеуі жансақтау бөлімінде жатыр, тағы бес бала және төрт ересек адам иістен уланып, ауруханаға түскен.
"3 сәуірде сағат 20.51-де Ақсу қаласында Момышұлы көшесінде жеке үй жанып жатқаны туралы хабарлама келіп түсті. Куәгерлер қаза тапқан ер адамның жарының туған күні болғанын айтты. Қонақтар үстелге енді отырғанда, 50 жастағы үй иесі сыртқа шығып кетіп, содан кейін бензин толы бес литр канистрамен қайтып келіп, балаларды алып кетуін сұраған. Жұбайы өтінішті орындағаннан кейін, ер адам сіріңке алып, өзін өртеп жіберген", - деп хабарлады облыстық жедел медициналық жәрдем станциясының өкілдері.
Оны тоқтатпақшы болған достары да күйіп қалған, оларды да орталық ауруханаға жеткізген.
Ер адам қайтыс болды, тағы 13 адам зардап шекті: төртеуі жансақтау бөлімінде, бес ересек адам мен төрт бала иіс тиіп, жансақтау бөліміне жатқызылды. Өрт аумағы - 30 шаршы метр. Үш бөлмелі үйде ас үй, жиһаз, тұрмыстық техника және үй заттары толығымен жанып кетті. Жартылай шатыры құлаған.
