+7 (777) 001 44 99
Қазақша
Русский
English
Ақсу қаласында полиция қызметкері асылып қалды. Павлодар облысының полиция департаменті полицейдің өз-өзіне қол жұмсағанын мәлімдеді, - деп хабарлайды Tengrinews.kz тілшісі.
"5 шілдеде сағат 23.40-та Ақсу қаласында полиция майорының мәйіті табылды. Аталған дерек бойынша қылмыстық кодекстің 105-бабы бойынша соталды тергеу басталды", - деп хабарлады Павлодар облысы полиция департаменті басшысының орынбасары Жандос Орымбаев.
Қайғылы оқиғаның себептері анықталып жатыр.
"Сараптама тағайындалды. Оқиғаның мән-жайы мен себептері соталды тергеу барысында анықталады", - деді Орымбаев.
Басқа мәліметтер әлі хабарланбады.
Айта кетейік, "Өзін-өзі өлтіруге дейін жеткізу" бабының санкциялары 3-5 жылға дейін шектеу немесе бас бостандығынан айыру жазасын көздейді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
