+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ақтауда жергілікті тұрғын қалалық полиция басқармасы қызметкерлерінің соққыға жыққанына шағымданды - оны ұрлық жасағанын мойындауға мәжбүрлеген, - деп хабарлайды Tengrinews.kz тілшісі "Лада" басылымына сілтеме жасап.
Ақтауда жергілікті тұрғын қалалық полиция басқармасы қызметкерлерінің соққыға жыққанына шағымданды - оны ұрлық жасағанын мойындауға мәжбүрлеген, - деп хабарлайды Tengrinews.kz тілшісі "Лада" басылымына сілтеме жасап.
Жәбірленуші 22 наурызда жұмысқа бару үшін көлігін оталдыра алмай қойғанын айтты. Мәселе генератордың істен шығып, ауыстыруды қажет ететіндігінде болған.
Ер адам 20 жылдан бері білетін досы Викторға барған. Оның 21-шағынаудандағы өндірістік базасында генераторлар болған. Ашық тұрған базаға келген ол автоэлектриктен тексеріп, дұрысын таңдау үшін төрт құрылғыны алып кетеді. Виктормен хабарласа алмағандықтан, оған ескерту мүмкін болмайды. Көп ұзамай Виктордың ағасы базаға келіп, генераторлардың жоғалғанын біліп, полицияға хабарлаған.
Осы уақытта ер адам көлігін жөндеп, қалған генераторларды жүксалғышқа салып, үйіне қарай бет алады. Бір сағаттан кейін жұмысқа келе жатқанда оны жол полициясы тоқтатып, оның қылмыс жасағаны туралы қоңырау түскенін айтады. Олар полиция басқармасына баруды ұсынған.
Ер адамды полиция қызметкері Бауыржан күтіп алып, көлікті басқарма аумағына әкелуді талап етеді. Күдікті Викторға телефон соғып, мән-жайды түсіндірмек болған, бірақ Бауыржан оның жеңінен ұстап, ғимараттың ішіне, үшінші қабаттағы кеңсеге сүйреп апарып, телефонды тартып алған.
Ер адамның айтуынша, сол кезде тағы екі тәртіп сақшысы келіп, балағат сөздер айтып, генераторларды ұрлағанын мойындауды талап еткен. Ер адамды тыңдамастан, үш полицей оның бетінен, денесінен және аяғынан ұрып-соға бастағанын айтады.
Ер адам прокуратураға шағым түсіретінін айтқан. Бұл полицейлерді одан сайын ашуландырып, оны қаттырақ ұра бастайды. Көп ұзамай оларға ұрлық расталмағаны туралы қоңырау келіп, Виктор арыз жазудан бас тартқан.
Содан кейін Бауыржан жәбірленушіден кешірім сұрап, прокуратураға шағымданбауды өтінеді. Алайда жәбірленуші полиция бөлімшесі ғимаратынан шыға сала, қадағалау органына дереу арызданған.
Облыстық көпсалалы ауруханада оған кеуде, бас және бет аймағындағы жұмсақ тіндердің көгеруі, сонымен қатар жабық бассүйек-ми жарақаты және ми шайқалу диагнозы қойылған.
Lada.kz ресми пікір алу үшін Маңғыстау облысы ПД баспасөз қызметіне жүгінген. Ведомствода аталған факт бойынша прокуратурада қылмыстық іс қозғалғанын хабарлады.
"Мән-жай анықталып жатыр. Тергеу мүддесі үшін басқа мәлімет жарияланбайды", - деп жауап берді облыстық полиция департаменті өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
