Ақтау тұрғыны сүйіктісіне су астында ұсыныс жасады

404

Видеодан алынған

Каспий теңізінде ақтаулық тұрғын сүйіктісіне су астында ұсыныс жасады. Мұндай ұсыныс Қазақстанда бірінші рет, - деп хабарлайды Tengrinews.kz тілшісі Lada.kz басылымына сілтеме жасап.

Каспий теңізінде ақтаулық тұрғын сүйіктісіне су астында ұсыныс жасады. Мұндай ұсыныс Қазақстанда бірінші рет, - деп хабарлайды Tengrinews.kz тілшісі Lada.kz басылымына сілтеме жасап.

Ерекше ұсыныс жасаған жұптың видеосын "Тайфун" дайвинг орталығы Instagram-парақшасына жариялады.

"Бұрын бассейнде, сауда орталығындағы үлкен аквариумында ұсыныс жасағандар болған. Бірақ Каспий теңізінде бұл бірінші рет. Соңына дейін су астында не болып жатқанын білмедік. Бірақ бәрі жоспар бойынша өтіп, қыз келісімін берді. Видеоны бүкіл командамен отырып әрледік. Видео кадрларынан қобалжыған қыздың қолы қалай дірілдеп тұрғанын көруге болады. Айтпақшы, бізге тағы бір жұп келді. Оларға бақыт пен барлық жақсылықты тілейміз", - деді "Тайфун" дайвинг орталығының команда мүшелері.