07 тамыз 2015 | 12:06

Ақтауда бір қыз жүріп бара жатқан көліктен секіріп кетті

Ақтауда бірегей жол-көлік оқиғасы болды. Бір қыз жүргізушімен жанжалдасып қалғаны үшін жүріп бара жатқан көліктен секіріп кетті, - деп хабарлайды "Тумба.kz".

Ақтауда бірегей жол-көлік оқиғасы болды. Бір қыз жүргізушімен жанжалдасып қалғаны үшін жүріп бара жатқан көліктен секіріп кетті, - деп хабарлайды "Тумба.kz".

Іс материалдары бойынша, оқиға 4 тамыз күні сағат 07.00 шамасында болған. 22 жастағы қыз "ВАЗ-21110" автокөлігінің алдыңғы орнында отырған, көлік құралын Приозерный ауылының 26 жастағы тұрғыны басқарыпты. Жолда екеуінің арасында жанжал шығып, төбелеске ұласуға шақ қалған. Қыз жанжалды тоқтату үшін есікті ашып, жоғары жылдамдықпен жүріп бара жатқан көліктен секіріп кетті.

Жүргізуші көлікті бірден тоқтатқан. Ол жерде жатқан қыздың жанына жүгіріп келіп, орнынан тұруға көмектесті. Тым эмоционалды қыз тынышталып, одан әрі жол тартуға келіскен. Жүргізуші оны Ақтаудың бірінші ықшамауданындағы орта мектептердің біріндегі жұмыс орнына дейін жеткізіп салды. Жұмысқа келгеннен кейін қыздың жағдайы нашарлап, ол жедел жәрдем шақыртты. Дәрігерлер оны ауруханаға жатқызып, жамбас сүйегінің сынғанын анықтады, сонымен қатар, басының жұмсақ тіндері зақымданып, шынтақ буыны жараланған.