+7 (777) 001 44 99
Қазақша
Русский
English
Қазақша
Русский
English
Ақтауда 7 қараша күні кешке жарылыс болған "Шерқала" кешенінде орналасқан "Аянат" кафесінің қожайыны оқиға кезінде мекемеде ешкім болмағанын айтты. Кәсіпкердің пікірін қала әкімдігі Instagram парақшасында жариялады, - деп хабарлайды Tengrinews.kz тілшісі.
Ер адамның айтуынша, оның мекемесі принцип бойынша уақытында жабылады.
"Мен кафемді сағат 19.30 шамасында жауып тастадым. Сондықтан кафеде жұмысшылар да, қонақтар да болған жоқ. Көршілерді білмеймін, мен оларға жауапты емеспін", - деді Абай Әміреев.
Жергілікті биліктің мәліметінше, екі қабатты "Шерқала" кешенінің ішінде жұмыс киімдерін сататын дүкен, автобөлшектер, мейрамхана, монша, техникалық қызмет көрсету бекеті, қойма сияқты нысандар бар.
Посмотреть эту публикацию в Instagram
Ақтау әкімі Нұрдәулет Қилыбай да жарылыс жағдайына қатысты пікір білдірді. Ол сағат 00:00-ге дейін ешкім медициналық көмекке жүгінбегенін айтты. "Кинологтар мен төтенше жағдай қызметкерлері жұмыс істеп жатыр", - деді ол.
Посмотреть эту публикацию в Instagram
Төтенше оқиға орнына Маңғыстау облысының әкімі Нұрлан Ноғаев келді. Құқық қорғау және мемлекеттік органдардың басшыларымен жедел кеңес өткізді.
Посмотреть эту публикацию в Instagram
Ал, облыстың Төтенше жағдайлар министрлігінің соңғы мәліметі бойынша, жарылыс салдарынан 11 көлік зақымданған. Жол полицейлері эвакуатор арқылы үш көлікті эвакуациялады. Қалған сегіз көліктің иелерін анықтау жұмыстары жүргізіліп жатыр.
Посмотреть эту публикацию в Instagram
Сондай-ақ жарылыс "Аянат" кафесінде емес, жақын жердегі самса мен палау сататын дүкенде болғаны белгілі болды.
Посмотреть эту публикацию в Instagram
Маңғыстау облысы Төтенше жағдайлар департаменті бастығының орынбасары Бекболат Әбдіқадыров жарылыс газ-ауа қоспасынан болуы мүмкін екенін айтты.
Посмотреть эту публикацию в Instagram
Сілтемесіз жаңалық оқисыз ба? Онда Telegram желісінде парақшамызға тіркеліңіз!
