+7 (777) 001 44 99
Қазақша
Русский
English
03 желтоқсан 2021 | 15:46
Ақтауда жаяу жүргіншіні қағып кеткен көлік видеоға түсіп қалды
Желіде көлік жүргізушісі жаяу жүргіншілер жолында кетіп бара жатқан Ақтау тұрғынын қағып кеткен видео пайда болды, - деп хабарлайды Tengrinews.kz тілшісі "Лада" басылымына сілтеме жасап.
ПОДЕЛИТЬСЯ
Желіде көлік жүргізушісі жаяу жүргіншілер жолында кетіп бара жатқан Ақтау тұрғынын қағып кеткен видео пайда болды, - деп хабарлайды Tengrinews.kz тілшісі "Лада" басылымына сілтеме жасап.
Оқиға 2 желтоқсанда болған. Кадрларда асқан жылдамдықпен келе жатқан көлік жаяу жүргіншілер жолына шығып, ағаштарды сындырып өтеді де, ары қарай жаяу жүргіншілер жолындағы қызды қағып кетеді. Бейнежазбаға қарағанда, тағы бірнеше жаяу жүргінші шетке секіріп үлгерген.
Маңғыстау облысының полицейлері 2 желтоқсанда сағат 21.53 шамасында 12-ықшамауданда 70-үйдің артындағы жол апаты туралы қоңырау түскенін хабарлады. Toyota Sienna жүргізушісі рульді басқара алмай, жол жиегіне шығып кетіп, жаяу жүргінші жолағындағы адамды қағып кеткен.
"Жарақаттанған 28 жастағы қыз Маңғыстау облыстық ауруханасына жеткізілді. Бұл дерек ҚР Қылмыстық кодексінің 345-бабы 2-бөлігі ("Көлiк құралдарын басқаратын адамдардың жол қозғалысы немесе көлiк құралын пайдалану ережелерiн бұзуы") бойынша соталды тергеп-тексерудің бірыңғай тізіліміне тіркелді", - деді облыстық полиция департаменті өкілдері.
Бойжеткен ауыр халде жансақтау бөлімінде жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
