+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ақтауда қоқыс арасынан жаңа туған сәбидің денесі табылды. Қазіргі уақытта полицейлер сәбидің анасын іздестіріп жатыр, - деп хабарлайды Tengrinews.kz тілшісі КТК телеарнасына сілтеме жасап.
Ақтауда қоқыс арасынан жаңа туған сәбидің денесі табылды. Қазіргі уақытта полицейлер сәбидің анасын іздестіріп жатыр, - деп хабарлайды Tengrinews.kz тілшісі КТК телеарнасына сілтеме жасап.
Арнайы көліктің жүргізушісі Бердәулет Кемалов қаладағы қоқыс контейнерлеріндегі тұрмыстық қалдықтарды әдеттегісінше тиеп, қала сыртына әкеп төгіп жатқан. Ал сәбидің денесін сонда қоқыс сұрыптап жүргендердің бірі тауып алыпты.
"Бөтелке жинайтын келіншектің біреуі тауып алған. Сөйтіп полицияға хабар берген. Сосын ертеңіне полицияға барып тапқан жерімді көрсетті", - дейді жүргізуші.
Телеарнаның мәліметінше, полициядағылар осы жағдайдың мән-жайын анықтап жатыр.
"Бұл дерек "Адам өлімі" бабы бойынша сотқа дейінгі бірыңғай тергеу реестріне тіркелді. Полицейлер сәбидің анасын іздестіріп жатыр. Қажетті сараптамалар тағайындалды. Анасы анықталып, сараптама нәтижелері дайын болған соң қылмыстық істің нақты қай бап бойынша қозғалатыны анықталады", - деп хабарлады Маңғыстау облыстық Полиция департаментінің баспасөз қызметіндегілер "Лада" басылымына.
