+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ақтауда мекемелердің бірінің алдында қызды ұрып-соғу сәті камераға түсіп қалды. Оқиғаға қатысты полиция пікір білдірді, - деп хабарлайды Tengrinews.kz тілшісі.
Ақтауда мекемелердің бірінің алдында қызды ұрып-соғу сәті камераға түсіп қалды. Оқиғаға қатысты полиция пікір білдірді, - деп хабарлайды Tengrinews.kz тілшісі.
Видеожазбадан ер адамның қызды бетінен ұрғаны көрінеді. Қыз аяғына тұра алмай қалады. Қысқа сөйлесуден кейін ер адам тағы да қыздың бетінен соғып, оны тағы құлатады.
Жанында тұрған жігіттер оқиғаға араласпайды. Тек бір жігіт қызды қорғауға тырысады, бірақ нәтижесіз.
Зардап шеккен қыз өз парақшасында оқиғаның фото және видео дәлелдерін жариялады. Кадрлардан оның денесінде және бетінде көптеген көгерген іздер бар екені көрінеді.
Жазба авторының айтуынша, камераға түсіп қалған ер адамның оған қол көтерген алғашқы жағдайы емес. Бұған дейін де ол қызды басқа мекемеде ұрып-соққан.
"Мен бұл мәселелерді ұзақ уақыт бойы тіпті анама да айтқан жоқпын, өйткені мен бәріне шыдадым. Мен ең алдымен оны, оның ата-анасын аяйтынмын. Жаздан бері маған арыз жазу керек екенін айтқан адамдар болды, бірақ мен оны соңына дейін кешіріп, аяп келдім. Мен әрдайым оның анасын ойлайтынмын, ұлының мұндай әрекетін білгенде оған қалай болатынын уайымдайтынмын. Бірақ мұның бәрі өзіме кері әсерін тигізді", – деп жазады зардап шегуші.
Маңғыстау облысы Полиция департаменті оқиғаға қатысты пікір білдірді.
"Патрульдік экипаж бұзақылық әрекеттерді тоқтатты. Оқиғаға қатысушылар анықталып, полицияға жеткізілді. Денеге жеңіл жарақат салу дерегі бойынша соталды тергеу басталды. Тергеу шаралары жүргізіліп жатыр", – деп хабарлады ведомство.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
