+7 (777) 001 44 99
Қазақша
Русский
English
Ақтаудағы 14-ықшамауданның жағалауында өлі итбалық табылды, - деп хабарлайды Tengrinews.kz тілшісі.
Lada.kz мәліметінше, өлі итбалықты жергілікті тұрғындар "Астана" сауда орталығына қарама-қарсы орналасқан 14-ықшамауданның жағалауынан тапқан.
"Бұл итбалық өзі сол жерге барып, өлгеніне сену қиын", - делінген Instagram-дағы "Ақтау қайырымдылық клубы" тобының жазбасында.
Посмотреть эту публикацию в Instagram
Маңғыстау облысы бойынша балық инспекциясы басқармасының басшысы Адизал Шихметов жағдайға қатысты түсінік берді.
"Бүгін тұрғындар итбалықтың өлексесін тапты. Біздің мобильді топ зерттеу үшін оқиға орнына шықты. Жас итбалық көктемде өліп қалған болуы мүмкін. Бір жерінен жара табылды. Жүні жоқ, денесі шіріп кеткен, сондықтан зерттеуге мүмкіндік жоқ.
Айта кетейік, одан қан емес, күн ыстық болғандықтан май ағып жатыр. Бізде бірнеше күн бойы дауыл болды, содан оның денесі жағаға ағып келген сияқты. Қазір утилизация үшін шаралар қабылдап жатырмыз. Саймандар ізі байқалмайды", - деді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
