+7 (777) 001 44 99
Қазақша
Русский
English
Ақтауда 12 жастағы бала ашық қалған кәріз құдығына құлап, ыстық суға аяғын күйдіріп алды. Оқиғаның мән-жайын "Каспий жылу, су арнасы" мемлекеттік коммуналдық кәсіпорнының басшысы Бақыт Шапқан айтып берді. Оның айтуынша, оқиға болған мекенжай дұрыс көрсетілмеген. Сонымен қатар, бала кәріз құдығына емес, шұңқырға құлған, - деп хабарлайды inAktau.kz.
Бұған дейін оқиғаның 15 мамырда, сенбі күні облыс орталығындағы 17 шағын ауданында болғаны хабарланған болатын. Алайда кәсіпорын өкілдері бала кәріз құдығына емес, шұңқырға құлап кеткенін айтты. Оқиғаның өзі 17-ші емес, 13-ші шағын ауданда №53 үйдің маңында болған.
"15 мамырда "Каспий жылу, су арнасы" (КЖСА) қызметкерлері "МАЭК-Қазатомөнеркәсіп" ЖШС-мен бірлесіп гидравлика сынағын жүргізді. Осы жұмыстар кезінде 13 шағын аудандағы №53 үй маңындағы жылу желісінде жарылыс болды. КЖСА қызметкерлері қоршаулар мен ескерту ленталарын орнатты. Бала ойнап жүріп, абайсызда шұңқырға құлап кеткен. Ата-ана тарапынан шағымдар жоқ. Шектеулерге байланысты әзірге балаға бара алмаймыз", - деді Бақыт Шапқан.
InAktau.kz басылымы мәліметі бойынша, оқиға 15 мамыр, сенбі күні облыс орталығындағы 17 шағын ауданында болған. Дәрігерлердің айтуынша, дененің 10-15 пайызы күйіп қалған.
"Бала анасымен бірге болды. Олар бірден облыстық балалар ауруханасының қабылдау бөліміне жүгінген. Дәрігерлер алғашқы көмек көрсетіп, баланың аяғын таңып берді. Қазір баланың жағдайы тұрақты, ол травматология бөлімінде жатыр", - деді облыстық балалар ауруханасы өкілі.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
