18 қыркүйек 2015 | 20:19

Ақтауда төрт әскери қызметші жаттығу кезінде суға батып кетті

Ақтауда төрт әскери қызметші, алдын ала мәлімет бойынша, жаттығу кезінде суға кетті, - деп хабарлайды Tengrinews.kz тілшісі Қорғаныс министрлігінің баспасөз қызметіне сілтеме жасап.

Ақтауда төрт әскери қызметші, алдын ала мәлімет бойынша, жаттығу кезінде суға кетті, - деп хабарлайды Tengrinews.kz тілшісі Қорғаныс министрлігінің баспасөз қызметіне сілтеме жасап.

Жалғасы

■

Ақтауда қаза тапқан сарбаздардың жанұяларына осы аптада 1,5 миллион теңгеден өтемақы беріледі

21 қыркүйек 2015, 18:25

■

Ақпарат құралдары Ақтауда суға кеткен сарбаздардың суретін жариялады

22 қыркүйек 2015, 09:08

Ведомство өкілдерінің мәліметінше, бүгін, 18 қыркүйек күні Ақтауда өтіп жатқан "Орталық-2015" оқу-жаттығуының "Орта Азиялық стратегиялық бағытта жауынгерлер тобының операция жүргізуі" екінші кезеңінде ("Оймаша" полигонынан 5 шақырым қашықтықта) "теңіз десантын түсіру және плацдармға тосқауыл қою" эпизодын орындау барысында алты БТР-80 техникасы мен 52 әскери қызметші теңізге шықты.

"Теңізден шамамен 150 метр өткеннен кейін қатты жел мен жоғары толқын салдарынан төрт БТР-80 суға батып кетті. Екі техника өз күшімен жағалауға шықты. Алдын-ала мәлімет бойынша мерзімді қызметтің 4 әскери қызметшісі суға батып кеткен", - деп хабарлады баспасөз қызметіндегілер.

Сонымен қатар, ҚР Қорғаныс министрі Иманғали Тасмағамбетовтың ҚР Қорғаныс министрлігі Бас инспекциясына жағдайдың себебін толық анықтау үшін жедел арнайы топ құрып, оқиға орнына баруды тапсырды. Қазіргі ахуал ҚР Қорғаныс министрінің тікелей бақылауына алынды.