+7 (777) 001 44 99
Қазақша
Русский
English
Қазақша
Русский
English
Ақтөбе облысының полицейлері 80 келі шаянды заңсыз аулаған БҚО тұрғындарын ұстады, - деп хабарлайды Tengrinews.kz тілшісі Polisia.kz сайтына сілтеме жасап.
12 қазанда Ақтөбе облысы Ойыл ауданының Ақкемер ауылынан 5 шақырым жерде полиция қызметкерлері облысаралық бассейндік балық шаруашылығы инспекциясының қызметкерлерімен бірлесе отырып, Қиыл өзенінің арнасында балық ресурстарын заңсыз аулаған Батыс Қазақстан облысының екі тұрғынын ұстады.
"Ұсталғандардан жалпы салмағы 80 келіден асатын 5 қап шаян тәркіленді. Осы факт бойынша ҚР ҚК-нің 335-бабының 1-бөлігі бойынша соталды тергеу басталды", - делінген хабарламада.
Жыл басынан бері полиция қызметкерлері рейдтік жұмыстар барысында сирек кездесетін және құрып кету қаупі төнген өсімдіктерді, жануарларды, олардың бөліктерін немесе дериваттарын пайдалануға тыйым салу талаптарын бұзудың 17 дерегі, балық ресурстарын, басқа да су жануарларын немесе өсімдіктерін заңсыз пайдаланудың 2 дерегі, заңсыз аң аулаудың 2 дерегі және ағаштар мен бұталарды заңсыз кесудің 1 дерегінің жолын кесті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
