+7 (777) 001 44 99
Қазақша
Русский
English
Ақтөбе облысының Алға қаласында жанармай құю бекеті жарылып, бірнеше көлікпен бірге өртеніп кетті, - деп хабарлайды Tengrinews.kz тілшісі "Диапазон" басылымына сілтеме жасап.
Жексенбі, 17 шілде кешке әлеуметтік желілерде жанармай құю бекеті жалынға оранып жатқаны түсірілген видео тарады.
Посмотреть эту публикацию в Instagram
Ақтөбе облыстық Төтенше жағдайлар департаменті мәліметінше, Алға қаласындағы Абай көшесі бойында орналасқан "ЛиманГаз" жанармай құю бекетінде жарылыс болған. Жанармай құю бекетінде сыйымдылығы 46 текше метр болатын екі цистерна жарылған. Облыстық Төтенше жағдайлар департаментінің кезекші пультіне хабарлама 17 шілдеде сағат 18:50-де түскен.
"Құрамында 26 адам мен 7 техника бар қызметкерлер жедел түрде шақырту орнына жетті", - деді департамент өкілдері.
Төтенше жағдайлар департаментінің қызметкерлері өрт аймағынан екі техника мен көлемі 10 және 54 текше метрлік екі контейнерді шығарды.
"Қаза тапқандар мен зардап шеккендер жоқ. Өрт 19:44-те оқшауланып, 20:02-де толық сөндірілді", - делінген облыстық ТЖД таратқан хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
