+7 (777) 001 44 99
Қазақша
Русский
English
Ақтөбе облысында Toyota Land Cruiser жол талғамайтын көлігі су астына түсіп кетті. Құтқарушылар арнайы техника көмегімен көлікті судан шығарды, - деп хабарлайды Tengrinews.kz тілшісі облыстың Төтенше жағдайлар департаменті баспасөз қызметіне сілтеме жасап.
Министрлік мәліметінше, 28 желтоқсанда Land Cruiser көлігі Ақтөбедегі суқоймасы жағалауынан ұзап, 50 метр жерде мұз астына 2,5 метр тереңдікке түсіп кеткен.
"Балық аулауға барған жүргізуші мен жолаушы көліктен шығып үлгерген. Жедел-құтқару жұмыстары нәтижесінде көлік судан шығарылды. Апат болған жерде мұздың қалыңдығы 5-7 сантиметр болған", - деді құтқарушылар.
Посмотреть эту публикацию в Instagram
Төтенше жағдайлар министрлігі мұз беріктігін соққымен тексеруге тыйым салынғанын, мұзда көлік жүргізу кезінде қауіпті аймақтар мен қалың қар басқан аумақтарды айналып өту керегін ескертті. Сонымен қатар, ведомство бұталар мен қамыстар маңында мұз жұқа және осал болатынын баса айтты.
"Қалыңдығы 10 сантиметрден кем емес мұз адам үшін, кемінде 20 сантиметр жеңіл автокөліктер үшін, кемінде 30 сантиметр жол талғамайтын көліктер үшін қауіпсіз саналады", - деді құтқарушылар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
