Ақтөбе облысында тасжолда өзбекстандықтар отырған автобус аударылып кетті

26 Ақпан 2018, 11:44
0
Ақтөбе облысында тасжолда өзбекстандықтар отырған автобус аударылып кетті - © pixabay.com
© pixabay.com

Ақтөбе облысында өзбекстандықтар отырған жолаушылар автобусы жол апатына ұшырады, - деп хабарлайды Tengrinews.kz тілшісі өңірлік ІІД баспасөз қызметіне сілтеме жасап. 

Жол-көлік оқиғасы 25 ақпанда шамамен сағат 20.40-та Хромтау ауданы Самара-Шымкент тасжолында болған.

"Mercedes көлігінің 35 жастағы жүргізушісі, ОҚО тұрғыны Ақтөбеден Хромтау ауданына бара жатқан жолда көлік тізгініне ие бола алмай, жолдың шетіне қарай ұшып аударылып кетті. Жол-көлік оқиғасы салдарынан 7 жолаушы зардап шекті. Олар, Өзбекстан азаматтары, түрлі жарақаттармен ауруханаға жеткізілді. Автобуста барлығы 25 жолаушы болған", - деп хабарлады полициядағылар.

ҚР Қылмыстық кодексінің 345-бабының 2-бөлігі бойынша ("Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы") сотқа дейінгі тергеу басталды.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай