14 ақпан 2022 | 13:54

Ақтөбе облысында үш автотасымалдаушы мен жүк көлігі соқтығысты

Дина Шарипханова Корреспондент

Фото: Ақтөбе облысы ПД

Ақтөбе облысында төрт көлік жол апатына ұшырады. Жеңіл көліктер тиелген екі автотасымалдаушы соқтығысып, салдарынан басқа да көліктер зардап шеккен, - деп хабарлайды Tengrinews.kz тілшісі.

Ақтөбе облысында төрт көлік жол апатына ұшырады. Жеңіл көліктер тиелген екі автотасымалдаушы соқтығысып, салдарынан басқа да көліктер зардап шеккен, - деп хабарлайды Tengrinews.kz тілшісі.

Облыстық Полиция департаменті мәліметінше, жол апаты 13 ақпанда сағат 11.00 шамасында Самара-Шымкент тасжолының 619-шақырымында болған.

"Жолдың тайғақ бөлігінде жол және метеорологиялық жағдайды ескермей Алматыға көліктерді тасымалдап келе жатқан "Рено" автотасымалдаушының жүргізушісі - Грузия азаматы алдында келе жатқан "Рено" көлігімен соқтығысқан. Соққы салдарынан "Рено" жүк тасымалдаушысы қозғалыс бағытын өзгертіп, қарсы келе жатқан Mercedes жүк көлігімен соқтығысқан", - деді полиция өкілі.

Жол-көлік оқиғасы салдарынан Mercedes жүк көлігінің жүргізушісі түрлі дене жарақаттарымен Хромтау орталық аудандық ауруханасына жатқызылған.

Жол апаты бойынша тергеу амалдары жүргізіліп жатыр.

Посмотреть эту публикацию в Instagram

Публикация от @kris_p_kz +21 | 🇰🇿Kz (@kris_p_kz)

Сілтемесіз жаңалық оқисыз ба? Онда Telegram желісінде парақшамызға тіркеліңіз!

жол апаты Ақтөбе облысы