+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ақтөбеде менингит жұқтырған 11-сынып оқушысы ауыр халде жатыр, - деп хабарлайды Tengrinews.kz тілшісі "Ақтөбе Таймс" басылымына сілтеме жасап.
Ақтөбеде менингит жұқтырған 11-сынып оқушысы ауыр халде жатыр, - деп хабарлайды Tengrinews.kz тілшісі "Ақтөбе Таймс" басылымына сілтеме жасап.
Басылымның мәліметінше, қазіргі уақытта ол мектепте карантин жарияланды.
"Оның менингит жұқтырғаны жайлы біз 3 желтоқсанда білдік, демалыс болатын. Сол күні емхананың сұранысымен біз сол сыныпта оқитын 21 оқушы мен сол сыныпқа сабақ беретін 12 мұғалімді тексерістен өтуге жібердік. Нәтижесін бүгін ғана алдық. Баланың 26 қарашада ауырғаны анықталды. Ол сабаққа 1 желтоқсанға дейін келіп жүрді, ештеңе байқамадық. Барлық сабаққа қатысып жүрді, температурасы да болған жоқ", - дейді №20 мектептің директоры Бағдат Орымбаева.
Директордың айтуынша, ол оқушының ата-анасымен күнделікті байланыста.
"Әкесінің айтуынша, баланың жағдайы тұрақты ауыр. Бірақ қазіргі уақытта ол жансақтау бөлімінен ауыстырылды, палатада жатыр", - деді Орымбаева.
Еске сала кетейік, осыған дейін Ақтөбеде 11-сынып оқушысының менингит жұқтырғаны жайлы хабарланған болатын.
