+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қалалық кардиология орталығының қызметкері лаңкестік шабуыл кезінде дәрігерлер аурухананы қалай қорғағанын айтты. 5 қаңтарда, бүлік кезінде қарулы топ мекемені басып алып, қызметкерлерді тартуға тырысқан. Бірақ дәрігерлер лаңкестермен келіссөз жүргізіп, олардың жараланған серіктестеріне көмектесе алатындарын айтқан, - деп хабарлайды Tengrinews.kz тілшісі Almaty.tv арнасына сілтеме жасап.
Қалалық кардиология орталығының қызметкері лаңкестік шабуыл кезінде дәрігерлер аурухананы қалай қорғағанын айтты. 5 қаңтарда, бүлік кезінде қарулы топ мекемені басып алып, қызметкерлерді тартуға тырысқан. Бірақ дәрігерлер лаңкестермен келіссөз жүргізіп, олардың жараланған серіктестеріне көмектесе алатындарын айтқан, - деп хабарлайды Tengrinews.kz тілшісі Almaty.tv арнасына сілтеме жасап.
Дәрігерлердің айтуынша, бұл жайттың арты қайғылы оқиғаға айналмаған. Орталықта 130-дан аса науқас болған, ал кейбіреулері жоспарлы операцияны күтіп жатқан. Төле би көшесімен келе жатқан топ аурухана ғимаратына кенет басып кірген. Олардың басты мақсаты дәрігерлерді өз жағына тарту болған.
"Түнге жақын аурухана аумағына номерсіз бірнеше автокөлік кірді. Барлығы жақсы қаруланған. Жаралыларға медициналық көмек көрсетуді талап етті. Дәрігерлерге қысым жасады. Өздерімен бірге жедел жәрдем құралдарын алып кеткісі келді. Бірақ бұл аурухана екенін, әлі де пайдамыз тиетінін айттық", - дейді қалалық кардиология орталығының директоры Алмат Қодасбаев.
"Кезекшілігім кезінде ғимаратқа бірнеше ер адам кірді. Олар басыма қару тақап, атып тастаймын деп қорқыта бастады. Өте қиын болды, бірақ мен ештеңеге кінәлі емес екенімді айтып, оларды тыныштандыруға тырыстым", - дейді қалалық кардиология орталығының қабылдау бөлімінің кезекші дәрігері Алмас Темірбаев.
Жараланғандардың жағдайын ескере отырып, орталық дәрігерлері оларды қалалық жедел жәрдем ауруханасына ауыстырған. Лаңкестер байланысқа шықпаған, есімдерін атамаған. Орталық директорының айтуынша, олар өте қатігез болып, қызметкерлерге қауіп төндірген. Бірақ бұл дәрігерлердің рухын таптай алмаған. Олар мұқтаж адамдарға медициналық көмек көрсете білген.
"Наразылық білдірушілер бұл аурухана екеніне де қарамады. Олар есіктер мен терезелерді сындырып, атып тастады. Ғимаратта қатты атыс болды. Бұл 5-6 қаңтарға созылды. Тәуекелге қарамастан, дәрігерлер жұмыс істеп, науқастарға күтім жасауды жалғастырды. Күшімізді аямай, әрбір жаралыға көмектесуге тырыстық", - деді Алмат Қодасбаев.
Қазір кардиология орталығы штаттық режимде жұмыс істейді. Кейінгі оқиғаларды тек палата терезелеріндегі оқ тесіктері еске түсіреді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
