+7 (777) 001 44 99
Қазақша
Русский
English
"Алматы-2" станциясында вагон өртенді, - деп хабарлайды Tengrinews.kz тілшісі қалалық ТЖД ресми өкілі Сандуғаш Баймұхамбетоваға сілтеме жасап.
"19 қаңтарда сағат 08.40-та Алматы қалалық ТЖД "101" пультіне Алматы-2 теміржол вокзалында қосымша жолда құрам реттеуінде тұрған жолаушылар пойызынан өрт шыққаны жайлы хабар түсті. Өртсөндірушілер оқиға орнына 08.51-де жетті. Бөлек тұрған вагоннан түтін шығып жатқан. Өртсөндірушілер вагон ішінде адамдардың бар-жоғын тексерді. Осы уақытта өрттің шығу көзін анықтау және сөндіру шарасы қатар жүргізілді", - деп хабарлады ТЖД өкілдері.
Өрт 9.10-да сөндірілді. 20 шаршы метр аумақты жалын шарпыған. Абырой болғанда, ешкім зардап шекпеген.
Сондай-ақ, ТЖД өкілдерінің мәліметінше, өрттің алдын ала себебі ретінде вагон ішіндегі пештің қараусыз қалуы аталап отыр.
