Алматы әуежайының маңында қураған ағаштар өртеніп жатыр, - деп хабарлайды Tengrinews.kz тілшісі.
Қалалық ТЖД мәліметінше, өрттің аумағы 10 гектар. Өрт сол жерге жақын орналасқан үйлерге дейін жетуі мүмкін деген қауіп болған.
ТЖД мамандарының айтуынша, өрт туралы хабар бүгін сағат 13.59-да түскен. Өртсөндірушілер сағат 14.10-да жетті. Қазіргі таңда тұрғын үйлерге келер қауіп жоқ.
Өрт болған жерде 37 адам мен 8 техника жұмыс істеп жатыр.
