Алматының барахолкасында төрт контейнер өртенді, - деп хабарлайды Тengrinews.kz тілшісі қалалық ТЖ департаментіне сілтеме жасап. Оқиға туралы 18.14-те белгілі болған. "101" пультіне Жетісу ауданы, Солтүстік айналма жол 9 мекенжайы бойынша өрт шыққаны туралы хабар түскен.
"Оқиға орнына бірінші болып жеткен өрт сөндірушілер (18:22-де) төрт контейнердің ашық түрде өртеніп жатқанын жеткізді. Өрт 18:40-та сөндірілді. Өрт сөндірушілер өрттің басқа да контейнерлерге тарауын тоқтатты. Өрт сөндірушілер ішкі өрт сөндіру су құбырларын пайдаланды", - деді Алматы ТЖД ресми өкілі Сандуғаш Баймұхамбетова.
Өрттің аумағы - 80 шаршы метрді құрады. Өрт салдарынан зардап шеккендер жоқ.
