Алматы клиникасында екі жасар бала қайтыс болғаннан кейін дәрігерлер қызметінен шеттетілді

Алматыда жекеменшік клиникалардың бірінде жүрегі тоқтап көз жұмған екі жасар Миронов Павелдің өлімінен кейін үш дәрігер қызметінен шеттетілді, - деп хабарлайды Tengrinews.kz тілшісі қаланың қоғамдық денсаулық қорғау департаментінің басшысы Айзат Молагасимоваға сілтеме жасап. 

Бала Алматыдағы жекеменшік клиникалардың бірінде жүрегі тоқтап көз жұмған.

"Бүгінде "Достар Мед" клиникасында балалар хирургиясының жұмысы тоқтатылды. Тексеріс аяқталғанға дейін баланы қараған үш дәрігер қызметінен шеттетілді. Ол емдеуші дәрігер, хирург және анестезиолог", - деді Молдагасимова. 

Мирон Павловтың анасының айтуынша, ота 2018 жылдың 27 наурызында жасалған. Алайда отадан кейін бірнеше сағаттан соң баланың жағдайы нашарлаған. Росина Павлова прокуратура мен Бостандық аудандық ІІБ-ге шағымданған. Анасының айтуынша, бала 24 сәуірде қайтыс болған, алайда дәрігерлер оның өлімі жайлы жақындарына бірден хабарламаған.

24 мамырда Мирон Павлов 2 жасқа толар еді. Оның сыңары қалды.