Алматы облысында екі автомобиль соқтығысып, салдарынан 6 адам қаза тапты, - деп хабарлайды Tengrinews.kz тілшісі облыстық ІІД баспасөз қызметіне слтеме жасап.
Жол-көлік оқиғасы 24 қаңтар күні Ескелді ауданында, Талдықорған - Текелі тас жолынан 23 шақырым жерде болған. Mazda Xedos автомобилінің 26 жастағы жүргізуішісі көлігін басқара алмай қалып, қарсы бағыттағы жолға шығып кеткен. Осыдан кейін ол Audi-100 автомобилімен соқтығысады. Жол апатынан 6 адам қаза тауып, екі адам түрлі жарақатпен жақын маңдағы ауруханаға жеткізілді. ІІД мәліметінше, жол-көлік оқиғасы дерегі бойынша сотқа дейінгі тергеу амалдары басталды.
