+7 (777) 001 44 99
Қазақша
Русский
English
16 қараша, сенбі күні сағат 00.48-де өртке қарсы қызмет пультіне Алматы облысы Еңбекшіқазақ ауданы Бәйтерек ауылындағы "Труженик" саяжайында екі қабатты жеке тұрғын үйінде өрт шыққаны туралы хабарлама келіп түскен. Бұл туралы ҚР ІІМ ТЖК ресми өкілі Нұрсұлтан Нұрахметов мәлімдеді, - деп хабарлайды Tengrinews.kz тілшісі.
Өртсөндірушілер келгенде үй толық дерлік отқа оранған. Тілсіз жау 02.15-те ауыздықталып, 02.36-да сөндірілді. Өрт ауданы - 240 шаршы метр.
Кейін үйінді астынан үш жартылай жанып кеткен мәйіт табылды. Олар: 1985 жылғы үй иесі және оның 2008 және 2014 жылы туған екі ұлы.
Төтенше жағдай себептері анықталып жатыр. Өртті сөндіруге Алматы облысы ТЖД жеке құрамынан 14 адам және үш техникасы жұмылған.
