+7 (777) 001 44 99
Қазақша
Русский
English
17 қазанда таңда Алматы қаласынан 157 шақырым жерде жер сілкінісі болды, - деп хабарлайды Tengrinews.kz тілшісі өңірлік ТЖД баспасөз қызметіне сілтеме жасап.
"ҚР БҒМ ҒК СТӘЭ" ММ сейсмологиялық станциялар желісі 17 қазанда Алматы уақытымен 6:30-да сезілмеген жер сілкінісін тіркеді. Жер сілкінісінің эпицентрі Алматының шығысындағы 157 шақырым жерде, Алматы облысы Кеген ауданының аймағында болған. Жер сілкінісінің энергетикалық класы - 8.5", - делінген ведомствоның ресми хабарламасында.
Жер сілкінісінің магнитудасы - 3.9, тереңдігі - 15 шақырым. Сілкініс адамдарға сезілмеген.
"Алматы облысы ТЖ департаменті мәліметті алған соң тиісті аймақтағы жағдайды бақылау үшін жергілікті атқарушы органдар, ТЖБ, ПД, прокуратура мен басқа да ұйымдарға хабарлады. Бұзылған ғимараттар мен қаза тапқандар туралы хабарлама келген жоқ", - деді Алматы облысы ТЖД-дағылар.
