+7 (777) 001 44 99
Қазақша
Русский
English
Полицейлер Талғар ауданында үйінен кетіп қалған 15 жастағы оқушы қызды іздестіру жұмыстарын жүргізіп, оны Алматыдан тапты, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.
Талғар ауданы Жалғамыс ауылында тұратын мектеп оқушысы 19 қаңтарда күндізгі уақытта жоғалып кеткен. Қыздың ата-анасымен сөзге келісіп, үйінен кетіп қалғаны белгілі болды.
Полицейлер сол елді мекеннің маңында жедел шараларды жүргізіп, көрші полиция бөлімшелеріне бағыттамалар жіберген.
"Қыз Алматы қаласы Бостандық ауданынан табылып, кәмелетке толмағандарға арналған бейімдеу орталығына орналастырылды. Қазіргі уақытта ол үйінде. Ювеналды полиция қызметкерлері қыздың осыған дейін де үйден кетіп қалып жүргенін ескере отырып, қыздың осы әрекетіне ненің себеп болуы мүмкін екенін анықтап, қажетті шараларды қолданып жатыр", - деп хабарлады полициядағылар.
