+7 (777) 001 44 99
Қазақша
Русский
English
Алматы облысында жоғалып кеткен тікұшақтың сынық бөліктері табылды, - деп хабарлайды Tengrinews.kz тілшісі ҚР ІІМ Төтенше жағдайлар комитетінің арнайы өкілі Руслан Иманқұловқа сілтеме жасап.
"Іздеу жұмыстарымен айналысып жатқан штабтың мәліметінше, бүгін таңғы сағат 8.20-да Қапал елді мекенінен 3 шақырым жерде тікұшақтың бөліктері табылды. Бортта болғандардың барлығы қаза тапты. Тікұшақтың апатқа ұшырауына байланысты қылмыстық іс қозғалды", - деді ол.
ҚР ішкі істер министрі Қасымовтың бұйрығымен оқиға болған жерге ішкі істер министрінің орынбасары Божко ұшып келді.
Еске сала кетейік, Алматы облысында 27 қаңтарда тікұшақтың жоғалып кеткені хабарланған еді. Комитет өкілдері 27 қаңтарда Астана уақыты бойынша 17.47-де Алматы облыстық ТЖД-ның Бірыңғай кезекші-диспетчерлік қызметіне 15.45-те Алакөл ауданындағы Үшарал қаласынан Талдықорғанға қарай ауруханаға "Аспан" акционерлік қоғамының меншігіндегі UP-MD 600-N азаматтық тікұшағының науқас баланы алып шыққаны туралы хабарлама келіп түскенін айтқан болатын.
