+7 (777) 001 44 99
Қазақша
Русский
English
Үштөбе тұрғыны өзінің анасы мен көшеде кетіп бара жатқан адамдарға пышақпен шабуылдады, - деп хабарлайды Tengrinews.kz тілшісі Алматы облысы ІІД баспасөз қызметіне сілтеме жасап.
Баспасөз қызметінің мәліметінше, 30 мамыр күні аудандық ауруханаға екі ер адам мен 48 жастағы әйел пышақ жарақатымен түскен. Әйел үшеуін де өзінің 24 жастағы ұлы пышақтағанын айтыпты.
"Қылмыстың анасы мен ұлының арасында шыққан жанжал кезінде жасалғаны белгілі болды. Әйелге өткінші екі адам келіп көмектеспекші болады. Дегенмен 24 жастағы жігіт үшеуіне де пышақ жарақатын салып, кейін қашып кеткен. Полицейлер оқиғаның мән-жайын анықтағаннан кейін оны ұстады. Қазір күдікті қамауға алынды", - деді облыстық полиция өкілдері.
Жарақат алғандардың екеуі үйлеріне жіберілді. Ал ауыр жарақат алған үшінші адам ауруханада ем алып жатыр. Осы дереутер бойынша сотқа дейінгі тергеу амалдары басталып кетті.
