Алматы орталығында бес қабатты үйден өрт шығып, 100 адам эвакуацияланған, - деп хабарлайды Tengrinews.kz тілшісі ҚР ТЖК баспасөз қызметіне сілтеме жасап.
Жамбыл мен Мұратбаев көшелері қиылысындағы тұрғын үйдің шатырынан өрт шыққан.
Құтқарушылардың айтуынша, алдын ала мәлімет бойынша, өрт шалған аумақ - 200 шаршы метр.
Үйден 100 адам эвакуацияланған, оның 20-сы балалар. Абырой болғанда, ешкім зардап шекпеген.
Өрт сөндірумен 40 адам мен 17 дана техника айналысып жатыр. 8.43-те өрт ауыздықталған.
© Алматы қалалық ТЖД
