+7 (777) 001 44 99
Қазақша
Русский
English
Алматы ауруханасына 11 оқушы улану белгісімен түсті, - деп хабарлайды Tengrinews.kz Алматы Төтенше жағдайлар департаментіне сілтеме жасап.
"112" пультіне 30 қаңтар күні сағат 13.30-да №129 орта мектепте оқитындардың бұрышталған аэрозольді спрейден уланғандары туралы хабарлама келіп түседі.
"Оқиға болған жерге Жетісу аудандық ТЖБ қызметкерлері, ІІБ қызметкерлері жіберілген. Сол жерден бұрышты спрейден 13 адамның уланғаны, оның 11-і балалар екені туралы ақпарат түсті", - делінген хабарламада.
Оқушылардың бірінің жан сақтау бөлімінде жатқаны хабарланды. Қалғандарына "орташа ауыр" деген баға берілді. Олар да №1 ауруханаға жеткізілді. Қазір медициналық орталықта тоғыз бала жатыр, қалғандары үйлеріне қайтарылды.
Алматы ІІД жергілікті полицейлердің мәліметінше, баллонды осы мектептің 8-сынып оқушысы шашқан. Тергеу амалдары басталды.
