+7 (777) 001 44 99
Қазақша
Русский
English
Алматыда автобустан шыққан жасөспірімді троллейбус қағып кетті, - деп хабарлайды Tengrinews.kz тілшісі. Салдарынан 15 жастағы жасөспірім зардап шекті.
Бұл оқиға жайлы Facebook желісіндегі парақшасында Екатерина Ли есімді қолданушы жазды. Оның мәліметінше, оқиға Абай даңғылындағы "Сайран" метро станциясының маңында болған. "№25 автобустың жүргізушісі аялдмаға келіп, тоқтауға болмайтын жерде тоқтады, осылайша адамдарды түсуге мәжбүрледі. Бірінші болып 15 жастағы жасөспірім шыққан, оны үлкен жылдамдықпен келе жатқан троллейбус қағып кетті, ол аялдамаға жүріп келе жатқан. №25 автобустың жүргізушісі оқиға орнынан кетіп қалды. Бала ауруханада ауыр жағдайда жатыр", - деп жазды қолданушы.
Ал "Green bus company" ЖШС" директоры Бауыржан Құлышев автопаркке троллейбустың ғана тиесілі екенін түсіндірді. Ал автобус жекеменшік болып шықты. Сұхбаттасушының айтуынша, жол-көлік оқиғасы 27 қыркүйекте болған. Оның мәліметінше, №25 бағыттағы автобус жолдың екінші қатарында тұрып, аялдама кешенінің территориясына кірмеген. Жолаушылар шыға бастаған, бірінші болып бала шыға келген. Осы кезде аялдама территориясына троллейбус кірген. Жүргізуші үлгере алмай қалып, тежегішті басты, алайда жасөспірім троллейбустың алдыңғы терезесіне соғылған.
"Кеше барлығымыз ауруханада болдық. Баланың жағдайы ауыр емес - қанағаттанарлық. Қазір жүргізушілер 50 мың теңге жинап, баланың еміне берді. Жүргізуші шеттетілді, тергеу жүргізіліп жатыр. Полицейлер кімнің кінәлі екенін әзірше айтпай отыр. Тергеу жүріп жатыр. Жүргізушіміз кінәлі емес деп айта алмаймын, аялдамаға жақындағанда баяу жүруі керек пе еді, сақ болуы тиіс еді, бірақ ол жолаушыны екінші қатардан атып шығады деп күтпеді", - деді Құлышев.
