Алматыда екі ер адамның автобус ішіндегі төбелесі видеоға түсіп қалды. Бейнежазбаны Motor.kz сайты жариялады, - деп хабарлайды TengrinewsTV.
Кадрдан автобус салонындағылардың екі ер адамды ажыратып жатқанын көруге болады. Дегенмен жас жігіттер автобустан түсіп, төбелесті жалғастырды. Куәгерлердің айтуынша, төбелес жолаушы мен аппаратсыз және формасыз салонға кірген заңсыз бақылаушы арасында шыққан. Сайттың мәліметінше, төбелес 26 қаңтар күні №56 автобус ішінде болған.
