+7 (777) 001 44 99
Қазақша
Русский
English
Toyota маркалы автомобиль жаяу жүргіншіге арналған жолда немересін ерткен әжейді қағып кеткен. Бұл туралы Tengrinews.kz тілшісіне Алматы қаласының ІІД ресми өкілі Салтанат Әзірбек айтып берді.
Оның айтуынша, 1991 жылғы ер адам Тәттібеков көшесімен солтүстік бағытта кетіп бара жатқан. "Ахундов көшесімен қиылысқан жерде жүргізуші тізгінге ие бола алмай қалып, бордюрге соғысқан, артынша бұрышта тұрған үйдің қоршауын соққан. Соғысу салдарынан автокөлік ұшып кетіп, сол жерде екі жаяу жүргіншіні қаққан", - деп хабарлады Әзірбек.
1949 жылғы әйел 4-ші ауруханаға жеткізілген. 2009 жылғы немересі 1-ші ауруханаға жеткізілген. Оқиға орнында полиция қызметкерлерінің кезекші бөлімі жұмыс істеп жатыр. Осыдан кейін іс материалдары Алматы қаласының ІІД-нің анықтау басқармасына жіберіледі.
