Алматыда Сейфуллин даңғылы мен Қабанбай батыр көшесінің қиылысында жол апатынан Toyota Fortuner автомобилі аударылып қалды, - деп хабарлайды "СТВ" телеарнасындағы "Территория происшествий" бағдарламасының тілшісі.
Куәгерлердің айтуынша, Toyota Қабанбай батыр көшесімен келе жатқан. Осы кезде кенеттен Hyundai маркалы автокөлігі қарсы бағытқа бұрып жіберіп, жол-көлік оқиғасы болды. Соққының ауыр болғаны соншалық, Toyota аударылып кеткен.
Жол-көлік оқиғасынан зардап шеккен үш адам ауруханаға жеткізілді: екі көліктің жүргізушілері және Toyota көлігінде отырған жолаушы.
