Алматыда сырғыма болып, салдарынан тау жолы ішінара опырылып құлады, - деп хабарлайды Tengrinews.kz тілшісі "Қазселденқорғау" мемлекеттік мекемесіне сілтеме жасап.
"Медеу ауданындағы Алматы-Сұлусай" автожолында жаңбыр кезінде сырғыма болып, жолдар опырылып құлады. Опырылып құлаған топырақтың жалпы көлемі - 60 текше метр. Қираған жолдың ұзындығы - 30 метр", - делінген хабарламада.
Алматы ТЖД кезекші бөлімінің мәліметінше, қазіргі кезде Сұлусай ауылына апаратын жол жабық. Оқиға болған жерде жөндеу жұмыстары жүргізіліп жатыр.
© Vk.com
