Алматыда жантүршігерлік жол апатынан жүргізуші қаза тапты, - деп хабарлайды "СТВ" телеарнасындағы "Территория происшествий" бағдарламасының тілшісі.
Куәгерлердің айтуынша, жол-көлік оқиғасы Тәттібеков көшесінің бойында болған. № 54 бағытында жүретін автобустың жүргізушісі батыс бағытта, ал Toyota Mark II автомобилі шығысқа қарай кетіп бара жатқан. Тәттібеков көшесінде құбырдан су аққан. Соның салдарынан жолда көктайғақ болып қалған. Болжаммен Toyota Mark II көлігі тайғанақтап, автобусқа соғысқан.
Жол апаты салдарынан жапондық көліктің жүргізушісі оқиға орнында қаза тапты. Қоғамдық көліктің төрт жолаушысы ауруханаға жеткізілді.
