+7 (777) 001 44 99
Қазақша
Русский
English
Алматыда жеке үйде шыққан өрт салдарынан әйел адам қаза тапты, - деп хабарлайды Tengrinews.kz тілшісі ҚР ІІМ ТЖК баспасөз қызметіне сілтеме жасап.
"15 қазанда сағат 22.22-де Алматының "101" пультіне Алатау ауданы Магаданская көшесіндегі жеке тұрғын үйде өрт шыққаны туралы хабар түсті. Алғашқы өрт сөндірушілер келген уақытта үйдің шатыры өртеніп жатқан. 23.00 - де 25 шаршы метр алаңда өрт сөндірілді", - делінген хабарламада.
Өрт болған жерде 1960 жылғы үй иесінің мәйіті табылды. Сондай-ақ, күйік шалған 1987 жылғы ұлы ауруханаға жеткізілді.
"Өрттің неден шыққаны анықталып жатыр. Өрт сөндіруге Алматы қалалық ТЖД жеке құрамының 17 маманы мен төрт арнайы техника жұмылдырылды. Полицейдер оқиға орнын қоршауға алды", - делінген ТЖК хабарламасында.
