+7 (777) 001 44 99
Қазақша
Русский
English
Алматыда жеке үйдің шатыры өртеніп кетті, - деп хабарлайды Tengrinews.kz тілшісі. Өрт Жетісу ауданындағы Павленко көшесінде шықты.
Куәгерлердің айтуынша, сағат шамамен 12.00-де таяу тұрған үйлердің тұрғындары Maxima сауда және ойын-сауық кешенінің жеке секторынан қою түтінді байқаған. Сөйтсек, жеке үйдің шатыры өртеніпті. Жалын бірнеше минуттың ішінде үйдің шатырын түгелдей шарпыды. Кейін, жергілікті тұрғындардың айтуынша, өрт ауладағы көрші үйге өткен.
"Барлығы өте жылдам болды. Өрт бір үйдің шатырын түгелдей жалмап, кейін көрші үйге көшті. Жақын маңда №66 орта мектебі бар", - деді куәгер.
Қалалық ТЖД өкілдерінің айтуынша, 12.16-да "101" пультіне жеке үйдің шатырынан өрт шыққаны жайлы хабар түскен. "Алғашқы өрт сөндіру бригадасы оқиға орнына алты минутта жетті, 12.22-де. Өрт бірнеше минуттың ішінде сөндірілді", - деп хабарлады қалалық ТЖД ресми өкілі Сандуғаш Баймұхамбетова.
