Алматыда жол-көлік оқиғасына кінәлі жүргізуші апат болған жерден қашып кетті, - деп хабарлайды MOTOR.KZ. Жүргізушінің бұл қылығы видеоға түсіп қалды.
Жол апаты 13 ақпан күні Абай мен Алтынсарин көшелерінің қиылысында болған.
"Бұл оқиғаға ондаған жүргізуші куә болды. Олардың бірінің автокөлігіндегі видеотіркегішке жол апаты түсіп қалды. Видеожазбадан көліктердің екі көшенің қиылысында соқтығысып қалғанын көруге болады. Оқиғадан кейін 10 секунд өткенде Toyota Camry автокөлігінің жүргізушісі орнынан қозғалып, көлігімен кетіп қалды", - делінген жарияланымда.
