+7 (777) 001 44 99
Қазақша
Русский
English
Алматыдағы жол апатында трамвай 14 автомобильді соққан. Бұл туралы Tengrinews.kz тілшісі Алматы қалалық ІІД баспасөз қызметіне сілтеме жасай отырып хабарлайды.
"Қылмыстық істі өз өндірісіне Алматы қалалық ІІД Анықтау басқармасының жол-көлік оқиғасының тергеу жөніндегі бөлімі алды. Бұл дерек соталды тергеудің бірыңғай реестріне тіркелді. Осы іске қатысты қажетті сараптамалар жүргізіледі, сонымен қатар тергеу шаралары жүргізіледі, оның нәтижесі бойынша осы жол-көлік оқиғасының нақты мән-жайы анықталады", - деді ІІД баспасөз қызметіндегілер. Айта кетейік, тергеудің бұл кезеңінде трамвайдың 14 көлікті соққаны белгілі болды, оның салдарынан 4 адам зардап шеккен.
Жол-көлік оқиғасы Байтұрсынов пен Қарасай батыр көшелерінің қиылысында болды, оқиға орнында төңкерілген бірнеше көлік жатыр, олардың кейбірі жиырылып қалған. Алдын ала болжам бойынша, трамвайдың тежегіші істен шыққан. Айта кетейік, трамвайда "За рулем стажер" жазуы бар.
