+7 (777) 001 44 99
Қазақша
Русский
English
22 желтоқсан күні Алматыдан 294 шақырымда және 193 шақырымда екі жер сілкінісі болды, - деп хабарлайды Tengrinews.kz тілшісі ҚР БҒМ Ғылым комитетінің Сейсмологиялық тәжірибе-әдістемелік экспедициясына сілтеме жасап.
Магнитудасы 4,2 болатын алғашқы жер сілкінісінің ошағы Алматыдан оңтүстік-шығысқа қарай 193 шақырымда - Қырғызстан аумағында анықталды. Жерасты дүмпулері Астана уақыты бойынша сағат 04.28-де болды. Энергетикалық класы 9-ға тең. Дүмпулер бес шақырым тереңдікте анықталды.
Екінші жер сілкінісі жергілікті уақыт 07.05-те Алматыдан 294 шақырымда - Қазақстан мен Қытайдың шекарасында болды. Жерасты дүмпулерінің ошағы 10 шақырым тереңдікте анықталды, магнитудасы - 4,5-ке тең, энергетикалық класы - 10,1. Зардап шеккендер мен қираған нысандар туралы мәлімет жоқ.
