Алматыдан 335 шақырым қашықтықта жер сілкінді, - деп хабарлайды Тengrinews.kz тілшісі "Сейсмологиялық тәжірибе-әдістемелік экспедиция" мекемесіне сілтеме жасап.
Сейсмикалық станциялар желісі 6 мамыр күні сағат 03.58-де магнитудасы 4,3 болатын жер сілкінісін тіркеген. "Жер сілкінісінің эпицентрі Алматыдан оңтүстікке қарай 335 шақырымда, Қытай аумағында болған", - делінген хабарламада.
Тербелістің энергетикалық класы - 10-ға тең. Оның ошағы 5 шақырым тереңдікте анықталды. Еске салайық, бір күн бұрын Алматыда 2-3 балдық жер сілкінісі сезілген болатын. Мамандар сілкініс ошағының Алматыдан 288 шақырымда екенін анықтады. Жерасты дүмпулерінің ғимараттарға әсері байқалған жоқ.
