+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы - Атырау бағытындағы жолаушылар пойызы вагондарының рельстен шығып кетуіне қатысты қылмыстық іс сотқа жіберілді, - деп хабарлайды Tengrinews.kz тілшісі Бас көлік прокуратурасының баспасөз қызметіне сілтеме жасап. Еске сала кетейік, бұл оқиға осы жылдың 19 сәуірінде болған еді.
Алматы - Атырау бағытындағы жолаушылар пойызы вагондарының рельстен шығып кетуіне қатысты қылмыстық іс сотқа жіберілді, - деп хабарлайды Tengrinews.kz тілшісі Бас көлік прокуратурасының баспасөз қызметіне сілтеме жасап. Еске сала кетейік, бұл оқиға осы жылдың 19 сәуірінде болған еді.
"Бас көлік прокуратурасы 2014 жылдың 19 сәуірінде Атырау облысының Қызылқоға ауданында Алматы - Атырау бағытындағы жолаушылар пойызының апатқа ұшырау дерегі жөнінде Қылмыстық кодекстің 295-бабының 1-бөлімі бойынша қозғалған қылмыстық істі тергеуді аяқтап, сотқа жолдады, апат кезінде жолаушылардың денсаулығына орта және жеңіл нұқсан келген болатын", - делінген таратылған хабарламада.
Тергеу барысында вагондардың бәрінің жарамды жағдайда болғаны анықталды. "Бұл пойыздың апатқа ұшырауынан соң Ақтөбе, Атырау учаскесі ревизорлары мен "Вагон-Сервис" АҚ, "РемПВ-2" өкілдері вагон тетіктері мен тораптарын тексеріп шықты. Машинист пен оның көмекшісінің шұғыл тежеуді іске қосуы заңды әрі ведомстволық нұсқау нормаларына сай", - дейді Бас көлік прокуратурасы өкілдері.
Вагондардың рельстен шығуына бұл учаскеде жөндеу жұмыстарының сапасыз жүргізілуіне байланысты теміржолдың майысуы себеп. "Іс бойынша айыпталушылар - "Іріленген Атырау жол арақашықтығы" мекемесінің учаске бастығы мен жол арақашықтығы бастығының орынбасары", - делінген хабарламада.
Еске салайық, Алматы - Атырау бағытындағы №42 жолаушылар пойызының вагондары 19 сәуірде Атырау облысындағы Сағыз - Мақат теміржол учаскесінде рельстен шығып кетті. Төтенше оқиға кезінде пойызда 580 жолаушы болған. Зардап шеккендердің жалпы саны - 27 адам.
