Алматы маңындағы тасжолда жантүршігерлік жол апаты болды, салдарынан жеңіл автокөлік екі жүк көлігінің ортасында қысылып қалды, - деп хабарлайды Tengrinews.kz тілшісі.
Жол апаты бүгін таңертең Көкөзек ауылының маңында болды. Куәгерлер оқиға орнында түсірілген кадрларды әлеуметтік желілерде жариялап жатыр.
Посмотреть эту публикацию в Instagram
Алматы облысының полиция департаменті жол апаты 17 мамырда сағат шамамен 10:00-де Қарасай ауданындағы "Жібек жолы - Елтай - Боралдай" автожолында болғанын хабарлады.
"HUALING маркалы жүк көлігі кептеліс кезінде қашықтық сақтамай, "Мазда-626" автокөлігімен соқтығысты, кейін жеңіл көлік инерция бойынша алда келе жатқан VOLVO жүк көлігіне соғылды. Жол апаты салдарынан жеңіл автокөліктің жүргізушісі зардап шекті, ол жақын маңдағы ауруханаға жеткізілді", - деді полицейлер.
Жол-көлік оқиғасы дерегі бойынша соталды тергеу басталды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
